Ochr yn ochr â’r dyfarniad cyflog ychwanegol o 1.5% a roddwyd ar gyfer 2022-23, taliad anghyfunol o 1.5% ar gyfer y flwyddyn honno a chodiad cyflog uwch i 5% ar gyfer 2023-24, mae eich streic a’ch ymgyrchu hefyd wedi galluogi NEU Cymru i sicrhau ymrwymiadau gan Lywodraeth Cymru i leihau baich gwaith ac effaith atebolrwydd yn yr ysgol.

Mae’n bryd gweithredu ar faich gwaith diangen sy’n cael ei lywio gan atebolrwydd yn yr ysgol

Mae’r ffocws ar atebolrwydd, heb y gefnogaeth angenrheidiol, yn achosi straen diangen a bydd yn arwain at athrawon da ac arweinwyr ysgolion yn gadael y proffesiwn. Mae angen y gweithwyr proffesiynol profiadol hyn arnom i gefnogi gweithrediad y cwricwlwm newydd ac i gefnogi plant Cymru gyda’i haddysg.

Nid oes amser gwell i weithredu i leihau baich gwaith yn eich gweithle.

Mae'r adnoddau hyn wedi'u cynllunio i gefnogi cynrychiolwyr a'u grwpiau undeb i ddeall a nodi beth sy'n achosi baich gwaith ychwanegol yn eich ysgol neu goleg. Bydd yn eich helpu i weithio ar y cyd a, lle bo modd, ar y cyd ag undebau cydnabyddedig eraill i gymryd camau dros faich gwaith diangen sy’n cael ei ysgogi gan atebolrwydd yn yr ysgol.

Mae’n cynnwys canllawiau rhestr wirio ar rai o brif ysgogwyr atebolrwydd baich gwaith gormodol - data, cynllunio gwersi, marcio, cyflenwi, arsylwadau - gydag offeryn archwilio i chi nodi pa rai o’r materion hynny sydd fwyaf cyffredin yn eich gweithle. Gallwch hefyd lawr lwytho sleidiau enghreifftiol i'ch helpu i drafod y materion hyn gydag aelodau a llythyrau enghreifftiol i helpu'ch grŵp undeb i godi'r materion hynny gyda'ch tîm arweiniol, bargeinio am welliannau a dwysáu materion os oes angen.

Mae'n bryd gwerthfawrogi addysgwyr, amser i chi adennill eich bywydau proffesiynol.

Mae'r gweithgaredd cyfunol hwn i ddileu baich gwaith diangen sy'n gysylltiedig ag atebolrwydd yn rhan o'n cyfeiriadedd Gwerthfawrogi Addysg, Gwerthfawrogi Addysgwyr at fargeinio yn y gweithle. Mae’n cyd-fynd â’n ffocws ar galendr bargeinio ar weithredu dros gyflog, gweithio hyblyg, ac amser cyfeiriedig.

Ymunwch â ni. Gyda’n gilydd, gallwn lunio dyfodol addysg.